Browse > Home / Wika2007 / Tulay

Tulay

August 18, 2007

Matalik kong kaibigan si Gabby.

Matagal na ng huli kaming mag-usap ni Gabby. Masyado kasi siyang abala sa kanyang mga ginagawa sa opisina, palibhasa ay kaka-promote lang niya bilang supervisor sa kanilang kumpanya. Kaya naman ng magkaroon kami ng panahon, agad niya akong niyaya na mag-kape. Libre naman daw niya, kaya sumama agad ako. Sayang ang libre.

Me: Uy, kamusta ka naman? Bigtime ka na ha!
Gabby: Baliw! Haha! Eto, okay pa naman..

Si Gabby ay tubong Pangasinan, lumipat lang sila ng mga magulang niya dito sa Rizal para mas malapit siya sa kanyang pag-aaralan. Sa Pangasinan siya lumaki at nagbinata kaya naman hindi na nakakagulat kung magaling siyang mag-Panggalatok. Nakilala ko siya sa Angono, kung saan naging maging kapitbahay kami.

Gabby:O, ano balita mo kay Deanne?
Me: Hala! Naalala mo pa yun? Haha! Ayun, may jowa na yata yun. Ewan! Haha!

Si Deanne ay kaklase ko noong hayskul. Sa maniwala kayo o hinde, siya ang kauna-unahang babae na niligawan ko. Lagi namin napag-uusapan si Deanne kapag magkasama kami ni Gabby. Noong umaakyat kasi ako ng ligaw kina Deanne, siyempre.. nandun ang kanyang ama. Tubong Pangasinan din pala ang tatay ni Deanne, kaya siyempre.. para naman mapasikatan ko ama niya nagpaturo ako kay Gabby magsalita ng Panggalatok.

Gabby: Grabe ang effort mo nun. Kaso.. basted ka naman! WAHAHAHA!
Me: Ang yabang mo. At least, natuto akong mag-Panggalatok.

Sa aming kwentuhang iyon, napagtanto ko.. bagama’t hindi naging matagumpay ang panliligaw ko kay Deanne (mas gusto yata niya yung bad boy type) ay masaya naman ako at natuto akong magsambit ng ibang wika. Bukod sa nadagdagan ang aking kaalaman at intelektwal na kakayahan, ay lumawak pa ang saklaw kong audience. Mas madali na akong makisalamuha sa ibang tao dahil hindi na ako limitado sa iisang wika lamang. Kaya nga mas malaking advantage sa ating mga Pilipino ang pagiging multilingual.. mas madali tayong makipag-communicate sa ibang tao.

Ang komunikasyon, sa aking opinyon, ay isang mahalagang komponent para sa pagkakaisa ng isang bansa. Isa sa mabisang paraan ng pakikipag-communicate ay pakikipag-usap o ang paggamit ng ating wika. Mas madali kasi nating naire-relay ang ating mga ideas sa kapwa natin. Bagama’t mayroon tayong 170 kinikilalang wika, hindi ito naging hadlang para hindi magkaintindihan ang mga Pilipino.. sa halip, nagiging tulay pa nga ito para magkaisa ang mga magkakaiba.

Gabby: Ang galing nga e, dahil dun.. naging close tayo.
Me: Oo nga e! Kung hindi pala nangyari yun, wala akong bigtime na kaibigan na manlilibre sa akin palagi! HAHAHAHAHAHA!

Ngayon ko lang din naisip, WIKA rin pala ang naging tulay ng aming pagkakaibigan. Galing!

Written by Jhed · Filed Under Wika2007 

Comments


Got something to say?





Your Ad Here
. . . . . . . . . . . . .