YAPAK NI RIZAL

Nais kong maging isa sa mga magagaling na manunulat ng wikang filipino.
manunulat na hinahangaan at sabihin na rin nating ginagawang huwaran…
Ngunit papaano kung ang aking simpleng sanaysay ay di nais basahin ng mga mambabasa, ang karamihan pa sa kanila ay mga kabataang tulad ko na dapat ay higit na nakaka unawa.
Di ko mawari kung di lang nila maintindihan ang aking mga sinusulat o sadyang nakakabagot ang mga ito.
Alam kong malayo pa ang aking aaralin upang maging dalubhasa sa pag susulat.
Ngunit ako’y may malawak na imahinasyon at pag iisip. Alam kong ako’y may kakayahan kaya’t ngayon pa lang ay nais ko nang hasain ang aking sarili sa pagsusulat.
Sa panahon ngayon kakaunti na lang sa mga manunulat ang lumilikha ng sulatin o istorya sa wikang filipino. Malimit na rin itong gamitin kahit sa pananalita.
Nais kong maging isa sa mga manunulat ng wikang filipino sa bansa.
Hindi ako magsusulat ng isang sulatin na wikang ingles dahil lang sa kagustuhan ko na maintindihan at mabasa ng mga dayuhan ang aking isinulat.
Bakit sila ang iisipin ko?
Mas nanaisin kong maunawaan muna ng aking mga ka-bario ang aking mga isinusulat.
Nais kong sila ang unang maka basa ng aking mga obra at nais kong sila ang unang mag papamahagi nito sa iba.
Kung may nais bumasa ng aking sulatin na hindi nakaka intindi ng wikang filipino, siya ang dapat na gumawa ng paraan upang mabasa ito at maintindihan ang nilalaman.
Itulad mo na lang sa presidente ng Pilipinas na nag dedeklara ng SONA o State Of the Nation Address.
ang SONA ay pahayag ng isang Pangulo ukol sa kalagayan ng bayan.
dito ay ipinahahayag ng pangulo kung sa papaanong paraan mabilis na uunlad ang bayan at kung ano pa ang mga suliranin na dapat sugpuin sa lipunan.
si Pangulong Gloria Macapagal Arroyo (PGMA)
ay ang pangulo ng REPUBLIKA NG PILIPINAS sa kasalukuyan. amakilan lamang ay nag deklara siya ng kanyang SONA.
Ang kanyang talumpati ay ipinahayag niya sa wikang ingles…
Aamin kong marami sa bahagi ng kanyang pahayag ay hindi ko naintindihan, naka tulog pa nga ako sa kalagitnaan ng pagtatalumpati niya. Tinanong ko ang aking sarili…
diba’t ang SONA ay pahayag na nais ipahatid sa mamayan?
Yan ang unang layunin nito.
Ang maipabatid sa mamamayan kung ano ang kalagayan ng bansa.
ngunit bakit tila yata…
Ang mga edukado lang ang may kakayahang umintindi sa mga sinasabi ng pangulo???
Papaano naman ang mga taong nka tira sa iskwater na hindi naka tapak sa paaralan.
Na hindi naka tikim ng bagong lapis at papel.
Ni-hindi marunong bumasa.
Hindi ba sila kabilang sa populasyon ng mga Pilipino???
Nakalulungkot isipin na ang mga naka upo lamang sa magagandang upuuan at ang may malalaking telebisyon lang ang nakaka unawa sa mga salitang binibitawan ng pangulo.
Kayhirap isipin na mabibilang na lang ang masasabi mong makakapag paliwanag sayo ng kung ano ba ang nilalaman ng kanyang.
Muling tumapak ang mga tanong sa aking isipan…
Bakit hindi na lang gumamit ng wikang Filipino ang presidente ng Pilipinas na nag dedeklara ng SONA?
Upang mas madaling maunawan ng bawat mamamayang naninirahan sa bansa.
May batas ba na dapat sa pag dedeklara ng SONA’y wikang ingles ang dapat gamitin?
Dahil ba nais ng pangulong maintindihan ng karatig bansa ang kanyang layunin?
Diba’t dapat na ay ang mamayang Pilipino ang dapat na unang makaunawa sa kanyang mga layunin???
Kay dami kong tanong… Ngunit walang nais sumagot…
Pinagtatawan lang ako ng mga taong pinag tatanungan ko… Marami pa daw akong hindi alam. At dahil sa nababasa mo’y maaring isa ka sa kanila.
Siguro’y hindi rin nila alam ang sagot.
Bakit nga ba kinahihiya ng mga Pilipino ang pagiging BOBO sa pagsasalita ng Ingles???
Ang mahirap pa… hindi na nga maituwid ang dila sa pagsasalita ng wikang hindi naman talaga marunong , ipinipilit pa din.
Kung minsan kahit hindi naiintindihan ang sinasabi… Patuloy pa rin sa pagsasalita. Naisip ko tuloy na baka mali aking mga iniisip. maaaring madami pa nga kong hindi alam. Walang masama kung pag aaralan natin ang mga wikang hindi naman natin nakagisnan. Ang dapat lang ay isaalang alang ang wika ng sariling bansa at hindi dapat ikahiya.
Ang nais ko lang ipa batid ay sana…
Matuto tayong alamin kung sino tayo.
Kung ano at saan tayo nag mula.
Dahil ito ang kabuuan ng ating pagkatao.
Ang mga bagay na likas na sa atin ay hindi dapat ikinahihiya,
Binabago o tinatago…
Dahil baliktadin man ang mundo…
Dito tayo nagmula.
Dito tayo babalik.
PILIPINO TAYO.