Boy Jalandoni
BACOLOD CITY – Indi mahangpan ni Mr. Raymund Cathedral kon ngaa naangot ang ngalan ni Boy Jalandoni sa isyu ng illegal numbers game nga jueteng kag yara sa listahan ni retired Lingayen-Dagupan Archbishop Oscar Cruz nga may kahilabtanan sa operasyon sang nasambit nga sugal.
Sa exclusive interview sang Bombo Radyo Bacolod kay Cathedral, hinablos ni Jalandoni, gin-athag sini ang una nga nagguwa nga impormasyon nga operator ang iya tiyo sang Small Town Lottery okon STL nga legal nga naga-operate sa Negros Occidental
Ginpaathag sini nga ang STL ang isa ka korporasyon nga ginapadalagan sang Super Lucky Beagler nga nakarehistro sa Securities and Exchange Commission okon SEC.
Samtang gin-ako naman sini nga siya amo ang manager sang operasyon sang nasambit nga pasugal sa probinsya kag wala diri sang involvement ang iya tiyo nga si Jalandoni.
Wala naman nagapati si Cathedral sa credibilidad sang ginbuyagyag nga listahan ni ret. Archbishop Cruz nga mga ngalan sang mga jueteng lords, operators kag recipients sang jueteng payola bangod ini ang halin sa gambling lord nga si Charlie Atong Ang.
Samtang, una nga ginhinambitan ang ngalan ni Jalandoni nga amo ang operator sang STL sang mismo hepe sang Bacolod City Police Office nga si Senior Supt. Celestino Guara Jr. matapos nakibot nga may taga Bacolod nga nadalahig sa jueteng sa pagtestify ni Archbishop Cruz sa senate inquiry kahapon.
Mangin ang OIC provincial director subong sang Negros Occidental nga si Supt. Roderick Alba, nagkilala kay Jalandoni na operator ng STL.
